WG-Zimmer frei in 4er-WG in Uster – Nähe des Greifensee
Mir, Nati (23), Tim (24) und Sara (28) sueched ab sofort es neus WG-Mitglied für eusi gmüetlichi und familiäri 5,5-Zimmer-WG in Uster, ganz in de nöchi vom Griefesee.
Über eus:
D Nati schafft im HR, spielt Fuessball, gaht is Fitness und isch gern mit ihrne Kollege unterwägs.
De Tim isch Social Media Manager und lideschaftliche Foto- und Videograf, gaht jede Abig go jogge und isch gern in de Berge.
D Sara arbeitet als Pflegefachfrau, isch kreativ, macht gern Sport, liebts mit Fründe go Käffele oder spontan was z‘unterneh.
Was eus wichtig isch:
eusi WG isch es Dihei, kei Zweck-WG. Mit wünsched eus es offnigs, respektvolls Mitenand, in dem me sich gegesitig unterstützt, mal ab und zue zemme chocht oder eifach ufm Sofa chillt.
Glichzitig schätzeds mirs au sich chöne zruggzieh, wemmer mal sini Rueh brucht. Eus isch wichtig, dass du zueverlässig, offe und empathisch bisch - öpper wo gern imme harmonische und lebendige Dihei läbt.
Wenn du dich ahgsproche fühlsch, denn schrib eus es paar Ziile über dich - wer du bisch, was dir wichtig isch und was du dir vonere WG wünschisch.
Mir freued eus dich z kenne lerne🌞
(de Chleiderschrank chan uf Wunsch gratis übernoh werde)
Grüessli
Nati, Tim und Sara
Subscribe for listings in Uster
Be instantly notified when similar listings in Uster arrive.
